NOVA LAB | നോവ ലാബ്

പതിറ്റാണ്ടുകൾക്ക് ശേഷമുള്ള ലുമിൻ കോമെറ്റിൻ്റെ ആഗമനത്തിനു പിറകെ വർഷങ്ങളായി പൂട്ടിക്കിടന്നിരുന്ന അറോറയിലെ വാച്ച് ടവറിൽ ഒരു അപരിചിത സന്ദേശം പ്രത്യക്ഷപ്പെടുന്നു. അതിൻ്റെ ചുരുളഴിക്കുന്ന ലിയോയും നോറയും, അറോറയിലെ രഹസ്യ അറയിൽ സൂക്ഷിച്ചിരിക്കുന്ന ഒരു മൃതദേഹം കണ്ടെത്തുന്നു. അവിടെ വെച്ച് ലിയോയുടെ മാതാപിതാക്കളുടെ തിരോധാനത്തിന് കാരണമായ, മനുഷ്യരാശിയെ തുടച്ചുനീക്കാൻ ശേഷിയുള്ള ഒരു വലിയ വിപത്തിനെക്കുറിച്ച് അവർ മനസ്സിലാക്കുന്നു. അതിനെ ചെറുക്കാൻ പുരാതന മെസപ്പൊട്ടോമിയയുടെ മണ്ണിലേക്ക് അവർ യാത്രതിരിക്കുന്നു. നാലായിരം വർഷത്തിലധികം പഴക്കമുള്ള ഒരു രഹസ്യവും ഉത്തരമില്ലാത്ത ഒരുപാട് ചോദ്യങ്ങളും അവിടെ അവരെ കാത്തുനിൽക്കുന്നുണ്ടായിരുന്നു.