KAALANCHI | കാളാഞ്ചി - PRE BOOK

മനുഷ്യജീവിതത്തിൻ്റെ നേർത്ത നിഴലുകളിലൂടെ സഞ്ചരിക്കുന്ന കഥകളുടെ ഒരു സമാഹാരമാണ് കാളാഞ്ചി. പറയാതെ വിഴുങ്ങിയ വാക്കുകളിലും മൗനം തുന്നിച്ചേർത്ത ബന്ധങ്ങളിലും കാലം മായ്ക്കാതെ സൂക്ഷിച്ച ചില ഓർമ്മകളിലും ഈ കഥകൾ മനുഷ്യനെ തിരയുന്നു. ഗ്രാമത്തിൻ്റെ മണ്ണിൻ്റെ മണവും മനുഷ്യഹൃദയത്തിൻ്റെ ചൂടും ജീവിതത്തിൻ്റെ കയ്പും ഇഴചേർന്ന കഥകളിൽ നമുക്ക് പരിചിതമെന്ന് തോന്നുന്ന മുഖങ്ങൾക്കു പിന്നിൽ, അപരിചിതമായ ചില ജീവിതങ്ങൾ തെളിഞ്ഞുവരുന്നു. ഓരോ കഥയും ഒരു മുഖം തുറക്കുമ്പോൾ അതിൻ്റെ മറുവശത്ത് ഒരു മുഖംമൂടി കൂടി ശേഷിക്കുന്നു. ഒടുവിൽ, ആ മുഖം ആരുടേതാണെന്ന് തിരിച്ചറിയേണ്ടത് വായനക്കാരാണ്.