CHIDHAMBARA VILASAM | ചിദംബര വിലാസം

'യാത്രകൾ യാത്രികനെ കഥാകാരനാക്കും' എന്ന ഇബ്നു ബത്തൂത്തയുടെ വാക്കിനെ പിന്തുടരും വിധം, യാത്രകളിലൂടെ പറയാൻ ശ്രമിക്കുന്ന കഥകൾ ഒന്നുചേരുന്നു. കഥാപാത്രങ്ങൾക്കും അവരുടെ ഭാവങ്ങൾക്കും പശ്ചാത്തലം ഒരുക്കുന്ന ഇടങ്ങളിലേക്ക്, സന്ദർഭങ്ങളിലേക്ക് നയിക്കുന്ന ചെറുകഥകളുടെ സമാഹാരമാണ് ചിദംബര വിലാസം. കാണാത്ത കാഴ്ചകളിലേക്ക് അകക്കണ്ണ് നീളുമ്പോൾ കഥകളായി മാറിയ ഒരു പ്രക്രിയയുടെ അനന്തരഫലം. കാണാനും അനുഭവിക്കാനും കാത്തിരുന്ന ഇടങ്ങളിലേക്ക് യാത്രയിലൂടെ ഓരോ കഥയും തുടങ്ങുകയും അവസാനിക്കുകയും ചെയ്യുന്നു.